چیف سیکرٹری پنجاب عبد اللہ خان سنبل اور سی سی پی او لاہور غلام محمود ڈوگرکو عہدے سے ہٹادیا گیا۔

آئی جی پنجاب کو بھی تبدیل کردیا گیا ہے۔ نگراں حکومت نے ڈاکٹر عثمان انور آئی جی پنجاب مقرر کر دیا ہے۔ ان کے تقرر کا نوٹیفکیشن بھی جاری کردیا گیا۔

نگران حکومت نے عبداللّٰہ خان سنبل کو اسٹیبلشمنٹ ڈویژن رپورٹ کرنے کی ہدایت کردی جب کہ ان کی جگہ ایڈمنسٹریٹو سروس گریڈ 21 کے زاہد اختر زمان کو چیف سیکرٹری پنجاب تعینات کردیا۔

اسٹیبلشمنٹ ڈویژن نے زاہد اختر زمان کی چیف سیکرٹری تعیناتی پر باضابطہ طور پر نوٹیفکیشن جاری کر دیا۔

دوسری جانب سی سی پی او لاہور غلام محمود ڈوگر کو بھی عہدے سے ہٹا کر بلال صدیق کمیانہ کو سی سی پی او تعینات کردیا گیا۔

پیپلز پارٹی نے نئے سی سی پی او کی تعیناتی پر احتجاج کیا ہے۔