آپ نے گھر سے گرد و غبار کو ہٹانے کے کئی طریقے اپنائے ہوں گے تاہم، صفائی کا ایک متبادل حل بھی ہے جو گھر میں دھول اور خطرناک کیمیکلز کو جمع ہونے سے روک سکتا ہے۔
فنٹاسٹک گارڈنرز کے باغبانی کے ماہر زیک مورگن نے ایسے سات گھریلو پودوں کا انکشاف کیا ہے جو ہوا سے دھول اور زہریلے مادوں کو دور کرنے میں مدد کر سکتے ہیں، تو کیوں نہ انہیں آزمائیں؟
اگر آپ کسی ایسے پودے کی تلاش میں ہیں جس کی دیکھ بھال کرنا آسان ہو تو اسپائیڈر پلانٹ آپ کے لیے بہترین انتخاب ہے۔
مورگن کے مطابق، یہ پالتو جانوروں کے مالکان کے لیے بہترین پودا ہے کیونکہ یہ ”غیر زہریلا اور بالواسطہ سورج کی روشنی میں بہترین پھل پھولتا ہے۔“
یاد رکھنے کی بات صرف یہ ہے کہ اسے ہفتے میں چند بار پانی دیں۔
”تحقیق کے مطابق، اسپائیڈر پلانٹ ہوا سے بے رنگ زہریلی گیسوں کو ہٹانے میں بہت اچھے ہیں، اس لیے وہ آپ کے کام کے ماحول اور گھر کے اندر ہوا کو صاف کرنے میں مدد کر سکتے ہیں۔“
مورگن نے مزید کہا کہ ”ان کے بارے میں کہا جاتا ہے یہ کاربن مونو آکسائیڈ اور زائلین کو بھی ختم کرسکتے ہیں۔ اس کے علاوہ، یہ نائٹروجن ڈائی آکسائیڈ کو جذب کرتے ہیں جس سے گھر میں صاف اور تازہ ہوا کی گردش کو برقرار رکھنے میں مدد ملتی۔“
اسنیک پلانٹ خشک پودوں کے لیے جانا جاتا ہے، جس کا مطلب ہے کہ اس کی دیکھ بھال کرنا بہت آسان ہے۔
زیک بتاتے ہیں کہ گھر کے اندر کی ہوا کو صاف اور تازہ رکھنے کے لیے یہ ایک بہترین انتخاب ہے، کیونکہ پودا دوسرے ”نقصان دہ کیمیکلز“ کو ہٹاتے ہوئے ہوا میں آکسیجن چھوڑتا ہے۔
اس کے علاوہ، ہارورڈ یونیورسٹی کے محققین نے پایا کہ یہ ان گھریلو پودوں میں سے ایک ہے جو سب سے زیادہ آکسیجن پیدا کرتا ہے، جس سے آپ کو سانس لینے اور رات کو بہتر سونے میں مدد ملتی ہے۔
اگر آپ اپنے بالوں کو اکثر گھر میں ہی رنگتے ہیں، تو کامن آئیوی پلانٹ آپ کیلئے فائدہ مند ہے۔
اس کی وجہ یہ ہے کہ یہ کیمیکلز کی سطح کو کم کرنے میں مدد کرتا ہے جو کہ بہت سی بیوٹی پروڈکٹس میں پایا جا سکتا ہے۔
زیک مزید کہتے ہیں کہ “یہ باتھ روم کے لیے بھی ایک بہترین پودا ہے کیونکہ یہ پھپھوندی کو ہٹانے کے لیے جانا جاتا ہے۔
تاہم، یہ بلیوں اور کتوں کے لیے زہریلا ہے، اس لیے اگر آپ کے پاس پالتو جانور ہیں تو یقینی بنائیں کہ پودا مکمل طور پر ان کی پہنچ سے باہر ہے۔
اس پودے کی دیکھ بھال کرنا آسان ہے، اسے وافر مقدار میں پانی اور ہر روز چند گھنٹے براہ راست سورج کی روشنی کی ضرورت ہوتی ہے۔
ایپی فیلم بیڈرومز کے لیے ایک مثالی پودا ہے کیونکہ اس میں ٹرانسپائریشن (پانی کے بخارات) کی شرح زیادہ ہوتی ہے، یعنی جب اسے پانی پلایا جاتا ہے تو یہ کمرے میں نمی واپس لانے میں مدد کرتا ہے۔
مورگن کہتے ہیں، ”یہ کمرے میں موجود دھول کو کم کرتا ہے، آنکھوں، ناک اور منہ میں موجود کسی بھی جلن کو دور کر سکتا ہے۔“
تاہم، بری خبر یہ ہے کہ یہ بھی پالتو جانوروں کے لیے زہریلا ہے اور اسے دوسرے پودوں کے مقابلے میں تھوڑی زیادہ دیکھ بھال کی ضرورت ہے۔
اس پودے کو صرف صبح کی سورج کی روشنی، دھند والا ماحول اور نم مٹی کی ضرورت ہوتی ہے۔
ایلو ویرا کے بارے میں بات کی جائے تو امکان یہ ہے کہ جلد کو نرم کرنے کے لیے اس کے فوائد فوری طور پر آپ کے ذہن میں آجائیں۔
تاہم، اس کے بارے میں یہ بھی پتہ چلا ہے کہ ایلو ویرا کا پودا ہوا سے زہریلے مادوں کو دور کرنے میں بھی بہت موثر ہے۔
مورگن کے مطابق اس قسم کے پودے کو کچن میں رکھنا چاہیے تاکہ یہ زہریلے مادوں کو ختم کر سکے جو عام طور پر صفائی اور جراثیم کش اشیاء میں پائے جاتے ہیں۔
اگر آپ کمرے میں تھوڑا سا رنگ شامل کرنا چاہتے ہیں تو کرسنتھیمم پلانٹ کا بہترین انتخاب ہے۔
تاہم، مورگن کے مطابق اس کا ایک اور بڑا فائدہ ہے۔
وہ کہتے ہیں، ”جب ہوا صاف کرنے اور عام زہریلے مادوں کو دور کرنے کی بات آتی ہے تو کرسنتھیممز فہرست میں سب سے اوپر ہیں۔“
”تاہم، یہ صرف اس وقت کام کرتے ہیں جب پھول کھلتے ہوں (تقریباً چھ ہفتے) اور بلیوں اور کتوں کے لیے زہریلے ہوتے ہیں، اس لیے اگر آپ کے پاس پالتو جانور ہیں تو آپ کو محتاط رہنا چاہیے۔“
کرسنتھیمم کو نم مٹی میں اور گھر کے اندر سورج کی روشنی والے مقام پر رکھنا چاہئیے۔ گرمی ہونے پر اسے باہر منتقل کیا جا سکتا ہے۔
ناسا کی ایک تحقیق میں ویپنگ فِگ کو ہوا سے پیدا ہونے والے زہریلے مادوں کو ختم کرنے کے لیے سب سے مؤثر پودوں میں سے ایک قرار دیا گیا ہے۔
اس کی دیکھ بھال کرنا بہت آسان ہے۔ بس اسے براہ راست سورج کی روشنی سے دور رکھیں جبکہ اس کی مٹی نم رہنی چاہیے۔
