سابق ٹیسٹ کرکٹر ہارون رشید کو قومی کرکٹ ٹیم کا چیف سلیکٹر مقررکردیا گیا ہے۔

پاکستان کرکٹ بورڈ (پی سی بی) مینجمنٹ کمیٹی کے سربراہ نجم سیٹھی نے پریس کانفرنس کرتے ہوئے کہا کہ مشاورت کے بعد سلیکشن کمیٹی تشکیل دیں گے۔

ان کا کہنا ہے کہ ایشین کرکٹ کونسل کا اجلاس 4 فروری کو بحرین میں ہوگا جس میں ایشیا کپ 2023 کے حوالے سے بات چیت ہوگی جبکہ ہارون رشید ممبرمینجمنٹ کمیٹی سے مستعفی ہوگئے ہیں۔

نجم سیٹھی نے کہا کہ پاک افغانستان 3 ٹی ٹوئنٹی میچز پی ایس ایل کے بعد شارجہ میں ہوں گے اور پاک افغان سیریز کا معاوضہ دونوں ملک میں شئیر کیا جائے گا۔