امریکی محکمہ خارجہ نے کہا ہے کہ پاکستان کے معاشی چیلنج سے واقف ہیں، ہم پاکستان کو معاشی لحاظ سے مضبوط دیکھنا چاہتے ہیں۔
امریکی محکمہ خارجہ کے ترجمان نیڈ پرائس نے پریس بریفنگ کے دوران کہا کہ جانتے ہیں پاکستان عالمی اقتصادی اداروں کے ساتھ رابطے میں ہے، پاکستان کو بہترمعاشی پوزیشن پر دیکھنا چاہتے ہیں، جہاں ممکن ہو پاکستان کی مدد کی جاتی ہے۔
نیڈ پرائس نے مزید کہا کہ اسلام آباد کے ساتھ معاشی استحکام سمیت دو طرفہ رابطوں سے متعلق امور پر بات ہوتی ہے، پاکستان کے ساتھ تکنیکی نکات پر بات چیت ہوتی ہے، وزارت خارجہ، خزانہ، وائٹ ہاؤس اور دیگر بھی پاکستان کی میکرواکنامک استحکام پر بات کرتے ہیں۔
