افغانستان کے دارالحکومت کابل میں وزارت خارجہ کے قریب ایک دھماکہ ہوا ہے جس کے نتیجے میں متعدد ہلاکتوں کی اطلاعات ہیں۔

افغان پولیس ترجمان خالد زادران نے بدھ کو خبر رساں ایجنسی روئٹرز کو بتایا کہ دھماکہ مقامی وقت کے مطابق شام 4 بجے کے قریب ہوا۔

طالبان انتظامیہ کو داعش کے عسکریت پسندوں کی جانب سے بغاوت کا سامنا ہے، جنہوں نے حالیہ مہینوں میں روسی، پاکستانی سفارت خانوں اور سابق وزیر اعظم کے دفتر سمیت اہم تنصیبات کو نشانہ بنایا ہے۔

طالبان کے زیر انتظام امور خارجہ اور داخلہ کے ترجمانوں نے فی الحال کوئی بیان جاری نہیں کیا ہے۔