لاہور میں نوکری کا جھانسہ دے کر خاتون کو اجتماعی زیادتی کا نشانہ بنا دیا گیا، خاتون کی درخواست پر تھانہ گجرپورہ پولیس نے واقعے کا مقدمہ درج کر لیا۔
سول لائن ڈویژن کی حدود میں خلیل نامی شخص نے نوکری کا جھانسہ دے کر خاتون کو کوٹ خواجہ سعید اسپتال بلایا۔
متاثرہ خاتون نے ایف آئی آر میں بتایا کہ خلیل نے ساتھیوں کے ہمراہ گن پوائنٹ پر اجتماعی زیادتی کی، ملزمان نے ویڈیو بنائی اور جان سے مارنے کی دھمکیاں دیں۔
متاثرہ خاتون کو طبی امداد کیلئے اسپتال منتقل کردیا گیا، تاہم ملزمان میں سے کسی کی بھی گرفتاری عمل میں نہ آسکی۔
