مسلم لیگ (ن) کی سینئر نائب صدر مریم نواز کا سوئٹزر لینڈ کے شہر میں جنیوا میں گلے کا آپریشن کامیاب ہوگیا۔

ایک ٹویٹ میں وفاقی وزیر اطلاعات و نشریات مریم اورنگزیب نے لکھا کہ ’مسلم لیگ(ن) کی سینئر نائب صدر مریم نواز شریف جینیوا میں گلے کے آپریشن کے بعد خیریت سے ہیں‘۔

وفاقی وزیر کا کہنا ہے کہ آپریشن 3 گھنٹے جاری رہا۔ مریم نواز نے دعا اور نیک تمناؤں کے پیغامات بھیجنے والے عوام اور کارکنان کا شکریہ ادا کیا ہے۔

خیال رہے کہ مریم نواز اپنے والد اور پارٹی قائد نواز شریف کے ہمراہ جنیوا میں موجود ہیں۔