روس کے یوکرین پر حملے کے بعد سے جارہی رہنے والی جنگ کے خلاف امریکا اور جرمنی نے یوکرین کو فوجی بکتر بند لڑاکا گاڑیاں دینے کا اعلان کردیا ہے۔
جرمن چانسلر اولاف شولز اور امریکی صدر جو بائیڈن نے ٹیلی فون پر بات چیت میں یوکرین کو فوجی امداد دینے پر اتفاق کیا۔
جرمنی نے کہا یوکرین کو مارڈر ٹینک اور پیٹریاٹ میزائل ڈیفنس سسٹم فراہم کریں گے اور جرمن وزیر خارجہ انالینا بیئربوک کا کہنا ہے کہ یوکرین کو نہ صرف اپنے دفاع کے لیے بلکہ روسی قبضے میں آنے والے علاقوں کو آزاد کرانے کے لیے بھی ہتھیار فراہم کیے جائیں۔
دوسری جانب وائٹ ہاؤس نے کہا کہ امریکا اور جرمنی یوکرین کو جدید بکتر بند گاڑیاں دیں گے اور بکتر بند گاڑیوں کی فراہمی سے یوکرین کو روس کے خلاف جنگ میں مدد ملے گی۔
اس کےعلاوہ دونوں ملک یوکرینی فورسز کو بکتر بند گاڑیوں کے استعمال کی تربیت بھی دیں گے، جو جرمنی کی دفاعی قوت بڑھانے میں معاوں ثابت ہوں گی۔
