وفاقی دارالحکومت اسلام آباد میں مارگلہ کی پہاڑیوں پر قدرتی حسن تباہ کرنے پر وزیر اعلیٰ خیبرپختونخوا کے معاون خصوصی بیرسٹر محمد علی سیف کے وارنٹ گرفتاری جاری کردئیے گئے۔

بیرسٹر محمد علی سیف کے خلاف مارگلہ کی پہاڑیوں پر توڑ پھوڑ کرکے قدرتی حسن تباہ کرنے پر 2018ء سے مقدمہ زیر سماعت ہے۔

ان کے خلاف لینڈ سکیپ آرڈیننس اور انوائرمنٹل ریگولیشن 2008ء اور ایم ایل آر 82 کے تحت مقدمہ درج ہے۔

سینئیر سپیشل مجسٹریٹ سی ڈی اے سردار آصف کی جانب سے بیرسٹر کی مسلسل عدم حاضری پر جاری کئے گئے وارنٹ گرفتاری ایس ایچ او تھانہ بھارہ کہو کو ارسال کردئیے گئے۔

اسلام آباد پولیس کو حکم دیا گیا کہ بیرسٹر محمد علی سیف کو 11 جنوری کو گرفتار کرکے پیش کیا جائے۔