عدالت نے بلدیاتی انتخابات شیڈول ہونے کے بعد ایڈمنسٹریٹرز تعینات کرنے کے کیس سے متعلق عبوری تحریری حکم نامہ جاری کردیا۔
سندھ ہائی کورٹ میں بلدیاتی انتخابات شیڈول کے بعد ایڈمنسٹریٹرز تعینات کرنے کا کیس پر سماعت ہوئی۔
سندھ حکومت نے الیکشن شیڈول کے بعد کی جانے والے تمام تبادلے واپس لینے سے متعلق عدالت کو آگاہ کردیا۔
کیس کی سماعت میں عدالتی حکم پر ایڈیشنل چیف سیکریٹری نجم احمد شاہ پیش ہوئے جبکہ سندھ حکومت کا کہنا تھا کہ الیکشن شیڈول کے بعد تمام تبادلے واپس لے لیے گئے۔
عدالت نے کہا کہ ایڈووکیٹ جنرل نے تمام تقرریاں، تبادلے واپس لینے کی یقین دہانی کروائی اور10جنوری کو حقائق سے آگاہ کیا جائے۔
عدالت نے کہا کہ چیف سیکرٹری، سیکرٹری بلدیات کا ذاتی حیثیت میں آنا ضروری نہیں ہے۔
