نیوزی لینڈ کے خلاف ون ڈے سیریز کے لیے قومی ٹیم کا اعلان ٹیم مینجمنٹ کی مشاورت کے بعد کل کیا جائے گا۔
ذرائع کا کہنا ہے کہ حارث رؤف کی ٹیم میں شمولیت فٹنس سے مشروط ہے جبکہ پاکستان کپ کے پرفارمر طیب طاہرکو بھی 16 رکنی ٹیم میں جگہ ملنے کا امکان ہے۔
ذرائع نے مزید کہا کہ عبوری سلیکشن کمیٹی نے پہلے سے 24 کھلاڑیوں کا اعلان کررکھا ہے اور ٹیم مینجمنٹ کی مشاورت کے بعد حتمی 16 رکنی اسکواڈ منتخب کیا جائے گا۔
واضح رہے کہ نیوزی لینڈ کے خلاف ون ڈے سیریز کے میچز 9، 11 اور13 جنوری کو کراچی میں شیڈول ہیں۔