محکمہ بلدیات سندھ اضافی بھرتیوں، کرپشن کے باعث مالی بحران کا شکارہوگیا جس کے باعث ماہانہ 7 ارب روپے گرانٹ جاری ہونے کے باوجود بحران ختم نہیں ہوسکا۔
حکومت نے بلدیاتی اداروں کے 35 ہزارملازمین کی تصدیق کا فیصلہ کیا ہے جن میں کے ایم سی، کے ڈی اے، ضلعی کونسلوں کے ملازمین کی تصدیق ہوگی۔
ٹاون کمیٹی، میونسپل کمیٹی کے ملازمین کی بھی تصدیق کی جائے گی جبکہ محکمہ بلدیات کے ڈائریکٹرلوکل فنڈ کو ملازمین کی تصدیق کرنے کی ہدایت کی ہے۔
اس کےعلاوہ پینشن کی مد میں 14ارب روپے بقایاجات کا بھی انکشاف ہوا ہے جس کی تصدیق کا فیصلہ کیا گیا ہے۔
