اسلام آباد ہائیکورٹ نے وفاقی دارالحکومت میں بلدیاتی انتخابات کرانے کے کیس سے متعلق انٹرا کورٹ اپیل پر تحریری حکمنامہ جاری کردیا ہے۔
چیف جسٹس عامر فاروق پر مشتمل دو رُکنی بینچ نے تحریری حکم نامہ جاری کیا اورکیس کی سماعت 9 جنوری تک ملتوی کردی۔
عدالت نے الیکشن کمیشن کی اضافی دستاویزات جمع کروانے کی درخواست منظور کرتے ہوئے پی ٹی آئی اور جماعت اسلامی کو 9 جنوری تک جواب جمع کرانے کی ہدایت کی ہے۔
عدالت کی جانب سے سنگل بینچ کا فیصلہ معطل کرنے کی متفرق درخواست پر نوٹس جاری کیا گیا۔
