سندھ حکومت نے دادو، قمبرشہدادکوٹ، بدین کے اضلاع کے بعد کراچی میں بھی ایڈمنسٹریٹر ہٹانے کی تیاریاں کرلیں۔

ذرائع کے مطابق الیکشن کمیشن کے احکامات پر سندھ حکومت نے ڈی ایم سیز کے ایڈمنسٹریٹرز کو ہٹانے کا فیصلہ کیا ہے۔

ذرائع کا کہنا ہے کہ ڈی ایم سی شرقی کے ایڈمنسٹریٹر محمد شکیل، ڈیم ایم سی کورنگی کے ایڈمنسٹریٹر محمد شریف، ایڈمنسٹریٹر حیدرآباد محمد فاروق کو بھی ہٹانے کا فیصلہ کرلیا۔

ذرائع نے مزید بتایا کہ ہٹائے جانے والے تینوں ایڈمنسٹریٹرز ایم کیو ایم کی فرمائش پر لگائے گئے تھے۔ بلدیاتی الیکشن کا شیڈول اعلان کے بعد نئے افسران نہیں لگائے جاسکتے۔