پاکستان میں سعودی عرب کے سفیر نواف سعيد المالكی نے ولی عہد شہزادہ محمد بن سلمان سے محبت کا اظہار کرنے والے ہاکستانی ٹرک ڈرائیور سے ملاقات کی ہے۔
پیر کو سعودی سفارت خانے کی جانب سے جاری ایک ٹویٹ میں کہا گیا کہ ”سفیر جناب نواف سعيدالمالكی نے آج محترم نواز اختر سے ملاقات کی جنہوں نے شہزادہ محمد بن سلمان بن عبدالعزیز آل سعود کی تصویر کی پینٹنگز اپنے ٹرک پر آویزاں کر کے شہزادہ محمد اورسعودی عرب کی قیادت سے اپنی گہری محبت کا اظہار کیا تھا۔“
پشاور کے ٹرک ڈرائیور نواز اختر نے سعودی عوام اور ولی عہد شہزادہ محمد بن سلمان سے اپنی محبت کا اظہار کرتے ہوئے اپنے ٹرک پر ولی عہد کی تصویر لگائی تھی۔
گاڑیوں اور عوامی سڑکوں پر تصاویر اور بینرز لگانا ایک ایسا کلچر ہے جو پاکستانی عوام کے جذبات، بعض سماجی، سیاسی اور دیگر اہم واقعات کا اظہار کرتا ہے۔
