قومی ٹیم کے فاسٹ بولر شاہین شاہ آفریدی نے گھٹنے کی اِنجری سے صحتیاب ہونے کے بعد دوبارہ باؤلنگ کا آغازکردیا ہے۔

بولرشاہین شاہ گھٹنے کی انجری کی وجہ سے ایک ماہ سے زیادہ عرصے تک منظرعام سے باہر تھے، وہ نومبرمیں انگلینڈ کے خلاف ٹی ٹوئنٹی ورلڈ کپ کے فائنل کے دوران گھٹنے میں چوٹ لگنے سے زخمی ہوئے تھے۔

شاہین شاہ کی پاکستان سپر لیگ سیزن 8 کے دوران واپسی متوقع ہے جبکہ انہوں نے ری ہیب کو جاری رکھنے کے لیے نیشنل اسٹیڈیم میں پاکستانی ٹیم میں شامل ہوئے ہیں۔

اس کے علاوہ پی سی بی نے تصدیق کی کہ شاہین شاہ آج سے کراچی میں قومی ٹیم کے میڈیکل اسٹاف کی نگرانی میں ری ہیب دوبارہ شروع کریں گے۔

مزید کہا کہ میڈیکل اسٹاف شاہین شاہ کی بہترین دیکھ بھال کررہا ہے تاکہ وہ دوبارہ بہترین پرفارمنس دیکھانے کے لیے میدان میں آسکیں جبکہ حارث رؤف کو عبوری سلیکشن کمیٹی اور ٹیم انتظامیہ نے ون ڈے اسکواڈ کے اعلان سے قبل ان کی انجری کے جائزے کے لیے بلایا ہے۔