ماہیاگانے سے شہرت پانے والے گلوکارہ عینی خالد نے کہا ہے کہ سابق وزیراعظم عمران خان نے اتوار کے روز صحافیوں سے گفتگو کے دوران جو کوٹ پہن رکھا تھا وہ ان (عینی) کے والدین نے پی ٹی آئی چیئرمین کو تحفے میں دیا تھا۔

عمران خان نے اتوار کو صحافیوں کے ایک گروپ سے ملاقات کی اور کہا کہ اسٹیبلشمنٹ میں تاحال جنرل باجوہ کا سیٹ اپ کام کر رہا ہے۔

عینی خالد نے اس ملاقات کے دوران لی گئی عمران خان کی تصویر ٹوئٹر پر شیئر کی۔ انہوں نے عمران خان کی گفتگو پر تو کوئی تبصرہ نہیں کیا تاہم کہاکہ انہیں یہ دیکھ کر خوشی ہوئی کہ عمران خان نے وہ کوٹ پہن رکھا ہے جو ان کے والدین نے تحفے میں دیا تھا۔ نئے سال کا یہ بہترین آغاز ہے۔

گلوکارہ نے پی ٹی آئی رہنما فیصل جاوید اور تحریک انصاف برطانیہ کے رہنما جہانزیب خان کو کو بھی اس ٹوئیٹ میں ٹیگ کیا۔

جہانزیب خان نے جواب میں عینی سے کہا، ”کیا وہ یہی کوٹ تھا؟“ انہوں نے کوٹ کو خوبصورت قرار دیا۔

گلوکارہ عینی خالد پی ٹی ائی کی زبردست حامی ہیں جس کا اظہار سوشل میڈیا پر ان کی تصاویر سے بھی ہوتا ہے۔ وہ پی ٹی آئی کے جلسوں میں شرکت کرتی ہیں۔