کراچی اور حیدرآباد ڈویژن میں بلدیاتی انتخابات کے معاملے پر ایم کیو ایم اورپیپلزپارٹی کے درمیان اختلافات سامنے آگئے۔

ذرائع کے مطابق حکومت سندھ نے الیکشن کمیشن کو بلدیاتی انتخابات ملتوی کرنے کا خط لکھنے سے انکار کردیا ہے۔

وفاق نے دونوں اتحادیوں کے معاملات حل کرنے کے لیے وفاقی وزیر ایاز صادق کو ذمہ داری دے دی۔ ایاز صادق آج شام کو کراچی پہنچیں گے۔

دوسری جانب آج سابق صدر آصف زرداری اور ایم کیو ایم کے وفد کی ملاقات کا امکان ہے۔