وزیراعظم میاں محمد شہباز شریف نے پنجاب کی صورتِ حال کے حوالے سے پاکستان پیپلز پارٹی (پی پی پی) کے شریک چئیرمین آصف علی زرداری اور جمیعت علماء اسلام (ف) کے سربراہ مولانا فضل الرحمان سے رابطہ کیا ہے۔

وزیراعظم اور آصف زرداری کے درمیان ہونے والے ٹیلی فونک رابطے میں سیاسی صورتِ حال، وزیراعلیٰ پنجاب کے اعتماد کے ووٹ اور ملکی اقتصادی صورتِ حال پر بات چیت ہوئی اور جلد ملاقات کرنے پر بھی اتفاق کیا گیا۔

آصف زرداری سے رابطے کے بعد وزیراعظم شہباز شریف نے مولانا فضل الرحمان سے بھی رابطہ کیا اور درج بالا موضوعات پر تبادلہ خیال کیا۔

دونوں رہنماؤں میں اتحادیوں کا اجلاس جلد بلانے پر اتفاق ہوا ہے۔