دارالحکومت میں بلدیاتی انتخابات کے حوالے سے اسلام آباد ہائیکورٹ کے فیصلے پر عملدرآمد تو نہ ہوسکا تاہم شہرِ اقتدار میں سیاسی دنگل خوب سجے۔
یونین کونسل (یو سی) 60 میں تمام ہی سیاسی جماعتوں کے کیمپس کا انعقاد کیا گیا، جہاں حق اور مخالفت میں نعرے بازی بھی ہوئی۔
پولنگ اسٹیشن، نہ بیلٹ باکس اور نہ ہی ووٹ ،اسلام آباد میں بلدیاتی اتنخابات کی گہما گہمی صرف گہما گہمی ہی رہی، انتخابات کیلئے صرف ووٹرز اور سپورٹرز میدان نظر آئے۔
اسلام آباد کے یو سی 60 میں سرگرمیاں سب سے مختلف تھیں جہاں پولنگ اسٹیشن کے باہر تینوں بڑی جماعتوں کے علاوہ دیگر کے کیمپس بھی لگائے گئے، حلیف اور حریف کے درمیان نعرے بازی بھی کی گئی۔
تحریک انصاف کے کارکنان انتخابات کے انعقاد پر زور دیتے رہے تو دیگر جماعتوں کے کارکنوں کا ماننا تھا کہ کم وقت میں عدالتی فیصلے پرعملدرآمد ممکن نہیں۔
