پاکستان تحریک انصاف (پی ٹی آئی) کی جانب سے مہنگائی کے خلاف نکالی جانے والی احتجاجی ریلیوں کا شیڈول جاری کردیا گیا ہے۔
شیڈول کے مطابق آج ڈیرہ غازی خان اور کل گوجرانوالا میں ریلی نکالی جائے گی جبکہ اتوار کو لاہور، ملتان، فیصل آباد اور راولپنڈی میں ریلیاں نکالی جائیں گی۔
اس کے علاوہ مہنگائی کے خلاف ریلی آئندہ سال 2 جنوری کو سیالکوٹ، 3 جنوری اٹک، 4 جنوری کوجہلم میں ریلیاں نکالی جائیں گی۔
گزشتہ روز ہی پی ٹی آئی رہنما فواد چوہدری نے کہا تھا کہ ہے کہ ملک بھر میں مہنگائی کے خلاف احتجاج ہوگا اور تین ہفتوں تک احتجاج کی قیادت مقامی قیادت کرے گی، جس کو بعد میں چیئرمین عمران خان جوائن کریں گے۔
فواد چوہدری کا کہنا تھا کہ ٹیکنوکریٹ حکومت ناقابل قبول ہوگی کیونکہ وہ حالات نہیں سنبھال سکتی ہے۔
