وزیر اعظم شہباز شریف سے آرمی چیف جنرل سید عاصم منیر نے ملاقات کی، جس میں ملکی سلامتی سے متعلق امور پر تبادلہ خیال کیا گیا۔
ذرائع کے مطابق ملاقات میں ملکی امن و امان کی صورتِ حال پر بریفنگ دی گئی اور کل ہونے والے قومی سلامتی کمیٹی اجلاس پر بات کی گئی۔
قومی سلامتی کمیٹی اجلاس میں دہشتگردی کی حالیہ لہر کے سدباب پر غور ہو گا۔ عسکری حکام دہشتگردی اور افغان بارڈر کی صورتحال پر بریفنگ دیں گے۔
قومی سلامتی کمیٹی اجلاس میں نیشنل ایکشن پلان پر عملدرآمد پر بریفنگ دی جائے گی۔
