امریکا میں تباہی مچانے کے بعد برفانی طوفان کا زور کم ہونے لگا جس کے باعث زندگی معمول پر آنے لگی۔
برفانی طوفان سے امریکا بھر میں 70 اموات ریکارڈ کی گئیں ہیں۔
کئی ریاستوں میں کئی کئی فٹ پڑنے والی برف ہٹانے کا کام شروع کرنے کے ساتھ ہی بجلی بحال کردی گئی ہے مگر اب بھی لاکھوں افراد بجلی سے محروم ہیں۔
بفلو میں جمعے سے بند ایئرپورٹ کھول دیا ساتھ ہی محدود پیمانے پر ٹرین سروس کو بھی بحال کردیا گیا جبکہ نیویارک میں آج بھی پروازیں منسوخ ہیں۔
اس کے علاوہ مشی گن سمیت کئی امریکی ریاستوں میں نظام زندگی تاحال منجمد ہے، بیچ کرسٹل بن گئے ہیں اور لوگ گھروں میں محصور ہیں۔
امریکی محکمہ موسمیات کے مطابق ملک کے مغربی علاقوں میں مزید برفباری متوقع ہے۔
