اگر آپ کراچی میں بالخصوص مضافاتی علاقوں رہتے ہیں اور جمعرات اور جمعہ کی درمیانی شب آپ کو بستر کے اندر بھی سردی کا احساس ہوا ہے تو آپ ایسا محسوس کرنے والے واحد شخص نہیں اور آپ کو ٹھنڈ محسوس ہونے کا سبب طبیعت کی خرابی بھی نہیں۔

کراچی میں گذشتہ رات درجہ حرارت 10 ڈگری تک گر گیا۔ رات 11 بجے تک درجہ حرارت 15 درجے سیلسیس تھا جو خوشگوار سمجھا جاتا ہے تاہم نصف شب کے بعد درجہ حرارت کرنا شروع ہوا اور 4 بجے یہ 10 درجے سیلسیس پر پہنچ گیا۔ صبح 7 بجے تک درجہ حرارت 10 درجے ہی تھا۔

دلچسپ بات یہ ہے کہ جیسے گرمیوں میں آپ کو 36 درجے کا موسم real feel میں 40 درجے کا محسوس ہوتا ہے، اسی طرح ٹھنڈ کے معاملے میں گذشتہ شب real feel صرف 9 درجے سیلسیس پر تھا۔ گویا کراچی میں نصف شب کے بعد وہی سردی تھی جو لاہور میں صبح نو دس بجے کے قریب ہوتی ہے۔

کراچی میں آج بھی نصف شب کے بعد درجہ حرارت 12 درجے تک گرنے کا امکان ہے۔

رواں برس یورپی ممالک میں شدید سردی کی لہر جاری ہے۔