نیشنل توانائی تحفظ اتھارٹی (نیکا) کی نئی توانائی تحفظ پالیسی 2022 میں ٹرانسپورٹ، سرکاری اور نجی عمارتوں میں موٹرز بوائلز اور دیگر آلات کو توانائی پر بوجھ قرار دے دیا۔
پالیسی کے مطابق اِن آلات کے باعث ملک میں توانائی زیادہ خرچ ہو رہی ہے اور تمام سرکاری اور نجی عمارتوں کو سولر پرمنتقل کرنے کی تجویز دی گئی ہے۔
پالیسی میں بتایا گیا ہے کہ گھروں کو سولر پرمنتقل کرنے سے 5 ہزار200 میگاواٹ بجلی بچے گی، جبکہ وفاقی اور صوبائی حکومت کے تعاون سے انرجی بچت گھر تعمیر ہوں گے۔
پالیسی کے مطابق سرکاری اور نجی عمارتوں کے لئے انرجی کنزرویشن کوڈ متعارف کرانا ہوں گے اورغیر معیاری ٹرانسپورٹ بھی توانائی پر بوجھ ہے، ٹرانسپورٹ سیکٹر کیلئے نیشنل فیول اکانومی اسٹینڈرڈ بنائے جائیں گے۔
پالیسی میں الیکٹرک وہیکلز اورچارجنگ اسٹیشنز پر کام تیز کیا جائے، جبکہ موٹر ویز پر800 سی سی کے علاوہ دیگر سنگل گاڑیوں پر بھاری ٹول ٹیکسزکی تجویز دی گئی ہے۔
