کراچی میں این ای ڈی یونیورسٹی کے طالب علم بِلال کے قتل میں ملوث ملزم کو گرفتار اورساتھی کی نشاندہی کرلی ہے۔
پولیس کے مطابق ملزم سُپر ہائی وے پر واقع گوٹھ کا رہائشی ہے، جو جرائم کی کرنے کا عادی ہے، جس کے قبضے سے اسلحہ برآمد کرلیا ہے۔
پولیس نے بتایا کہ ملزم کے ساتھی کی نشاندہی بھی کرلی ہے، جبکہ گرفتارملزم کے ساتھی کو جلد گرفتار کیا جائے گا۔
اس کےعلاوہ بلال ناصرکی نمازجنازہ فیڈرل بی ایریا بلاک 15 میں ادا کی گئی جس میں امیرجماعت اسلامی حافظ نعیم اوراہل علاقہ شریک تھے۔
طالب علم بلال کے قتل کے خلاف طلبا نے احتجاج کرتے ہوئے یونیورسٹی روڈ کا ایک ٹریک بند کردیا اورمظاہرین ملزمان کی فوری گرفتاری کا مطالبہ کررہے ہیں۔
مظاہرین کا کہنا ہے کہ یونیورسٹی روڈ پراسٹریٹ کرائم کی وارداتوں میں اضافہ ہورہا ہے۔ اس کےعلاہ ڈکیتی کے دوران ہلاک ہونے والا بلال این ای ڈی یونیورسٹی میں پیٹرولیم انجینئرنگ کا طالب علم تھا۔
پولیس کے مطابق 2 ڈکیتوں نے موبائل چھیننے کی کوشش کی لیکن بلال نے مزاحمت کی، تو ڈکیتوں نے گولی چلادی، ڈکیتوں نے 2 گولیاں چلائیں، جس میں سے ایک گولی اس کی ٹانگ اور دوسری سینے پر لگی۔
دوسری جانب ایڈیشنل آئی جی سندھ جاوید عالم اوڈھو کا کہنا ہے کہ بلال کو ڈکیتی مزاحمت پر مارنے والا 16 سالہ ملزم گرفتار کرلیا گیا ہے، بلال کا قاتل غیرقانونی مقیم افغان باشندہ ہے۔
کراچی میں پریس کانفرنس کرتے ہوئے ایڈیشنل آئی جی سندھ نے کہا کہ بلال کے قتل میں ملوث دوسرا ملزم بھی افغان باشندہ ہے۔ سی سی ٹی وی، شواہد کی مدد سے ملزم کو مقابلے کے بعد گرفتار کیا گیا۔
ان کا کہنا تھا کہ پولیس ملزم کےساتھی تک پہنچ گئی جسے جلد گرفتار کیا جائے گا۔
