سینیٹ کا ایک اور اجلاس احتجاج کے نام ہو گیا، سینیٹ ایجنڈا آج بھی مکمل نہ ہوسکا۔
سینیٹ اجلاس چیئرمین سینیٹ صادق سنجرانی کی زیرصدارت ہوا۔
اجلاس کے آغاز میں اپوزیشن لیڈر شہزاد وسیم نے بات کرنے کی اجازت طلب کی، چیئرمین سینیٹ نے کارروائی بڑھنے کی ہدایت کی تو اپوزیشن اراکین اپنی نشستوں پر کھڑے ہوگئے اور اعظم سواتی کے پروڈیکشن آرڈرجاری کرنے کا مطالبہ کرنے لگے۔
شورشرابے کے دوران وزیرمملکت قانون نے قانون شہادت کا بل ایوان میں پیش کیا- جس کو چیئرمین سینیٹ نے متعلقہ کمیٹی کے سپرد کردیا۔
جس کے بعد اپوزیشن اراکین نے چیئرمین ڈائس کا گھیراؤ کیا جس پر چیئرمین سینیٹ نے اجلاس جمعہ تک کیلئے ملتوی کردیا۔
