پاکستانی ڈرامہ انڈسٹری کی سینئر اداکارہ صبا فیصل نے اپنے بیٹے سلمان فیصل اور بہو نیہا سے اعلان لا تعلقی کے بعد ایک اور معنی خیز پوسٹ شیئر کر دی۔
صبا فیصل نے انسٹاگرام پر شیئر کی گئی پوسٹ میں لکھا کہ اپنی زندگی کے کسی دن پر کبھی افسوس نہ کریں۔
انہوں نے لکھا کہ اچھے دن خوشیاں دیتے ہیں تو برے دن تجربہ دے جاتے ہیں۔
صبا فیصل نے مزید لکھا کہ برے دن سبق دیتے ہیں اور بہترین دن یادیں دیتے ہیں۔
اداکارہ کی پوسٹ کو مداحوں کی جانب سے خوب سراہا جا رہا ہے اور حمایت میں تعریفی کمنٹس بھی کئے جا رہے ہیں۔
یاد رہے کہ سینئر اداکارہ صبا فیصل نے گزشتہ دنوں انسٹاگرام پر ویڈیو شیئر کرتے ہوئے بیٹے سلمان فیصل اور بہو نیہا سے تعلقات ختم کرنے کا اعلان کیا تھا۔
ان کا کہنا تھا کہ گزشتہ چار سال سے بیٹے کی وجہ سے مشکل زندگی گزارنے پر مجبور ہوں، سوچتی ہوں کہ بیٹا ایسی عورت کے ساتھ کیسے زندگی گزارے گا؟
