وزیرِ خارجہ بلاول بھٹو زردراری کا کہنا ہے کہ پاکستان جمہوریت کےفروغ پریقین رکھتا ہے اور علاقائی امن واستحکام میں اہم کردار ادا کررہا ہے۔

انڈونیشین ٹی وی کو دیے گئے خصوصی انٹرویو میں وزیر خارجہ نے کہا کہ پاکستان تمام ممالک کے ساتھ باہمی احترام پر مبنی تعلقات کا خواہاں ہے۔

انہوں نے کہا کہ دہشت گردی اور اسلاموفوبیا آج کے دور کے بڑے مسائل ہیں۔

بلاول بھٹو نے کہا کہ حنا ربانی کھر نے گزشتہ دنوں افغانستان کا دورہ کیا کیونکہ پُرامن اور مستحکم افغانستان خطے کے مفاد میں ہے۔

وزیر خارجہ کا کہنا تھا کہ شہید بے نظیر بھٹو مسلم دنیا کی پہلی خاتون وزیراعظم تھیں، خواتین کو معاشی طور پر بااختیار بنانا بی بی شہید کا وژن تھا۔