پی ٹی آئی سوشل میڈیا ٹیم کو دیگرجماعتوں کا سوشل میڈیا چلانے والوں کے مقابلے میں سب سے زیادہ مضبوط سمجھا جاتا ہے لیکن دھوکا دینے والے موقع ڈھونڈ ہی لیتے ہیں۔

پاکستان تحریک انصاف نے اپنے فالوورز کوخبردارکیا ہے کہ جعلی پارٹی اکاؤنٹس سے ہوشیاررہیں۔

اکتوبر کی 22 تاریخ سے ٹوئٹر پر ’تحریک انصاف پاکستان‘ کے ہینڈل سے ایک تصدیق شدہ اکاؤنٹ چلایا جارہا ہے جودرحقیقت جعلی ہے.

پی ٹی آئی کے تصدیق شدہ اصل ہینڈل سے جعلی اکاؤنٹ کے حوالے سے خبردارکیا گیا ہے کہ کچھ اکاؤنٹس تصدیق شدہ بیج حاصل کرنے کیلئے ظاہرکررہے ہیں کہ وہ پی ٹی آئی کا آفیشل اکاؤنٹ رکھتے ہیں۔

فالوورز کوہوشیار کرتے ہوئے درخواست کی گئی ہے کہ ایسے اکاؤنٹس کو پارٹی کے آفیشل اکاؤنٹس نہ سمجھا جائے۔

اب تک کی جانے والی ٹویٹس میں سے بیشتر پی ٹی آئی کے سیاسی مخالفین کے حوالےسے ہیں۔

جعلی اکاؤنٹس سے متعلق جان کرکئی صارفین نے دل جلے تبصرے کیے۔

اس اکاؤنٹس کو 22 افراد فالو کررہے ہیں جبکہ 30 نومبرکے بعد سے کوئی ٹویٹ بھی نہیں کی گئی۔