پاکستانی نوجوان پاکستانی ورلڈ چیمپین باکسر سید آصف شاہ ہزارہ آسٹریلیا کے شہر میلبرن میں روایتی بھارتی حریف سُمیت کمار کا مقابلہ کریں گے۔

آصف ہزارہ کا تعلق پاکستان کی ہزارہ کمیونٹی اور صوبہ بلوچستان سے ہے۔

آصف نے سات بار نیشنل چیمپئن شپ، ورلڈ ساؤتھ چیمپین شپ اور ساؤتھ پیسیفک کے ٹائٹل اپنے نام کرکے پاکستان اور بلوچستان کا نام روشن کیا۔

سید آصف ہزارہ خود نوجوان ہیں مگر بلوچستان کے نوجوان باکسرز کے لئے بھی بہت کام کرتے ہیں۔

ان کا مقابلہ ہندوستان کے روایتی حریف سُمیت کمار کے ساتھ میلبرن آسڑیلیا میں جمعہ نو دسمبر کو آسڑیلیائی وقت کے مطابق شام 7 بجے اور پاکستان میں دن ایک بجے ہوگا۔

آسڑیلیا میں رہنے والے پاکستانی اور بھارتی شائقین کو ایک بہترین مقابلہ کی توقع ہے اور مختلف اسٹیٹ سے لوگ اس مقابلے کو دیکھنے کے لئے آرہے ہیں۔

آصف ہزارہ نے پاکستانیوں کامیابی کی دعا کی درخواست کی ہے اور بتایا کہ آج تک تمام کامیابیاں صرف اور صرف پاکستانی عوام کی محبت اور تعاون کے نتیجہ سے ممکن ہوئیں۔