کراچی کےعلاقے لائنزایریا میں 12سالہ بچی کے ریپ اور قتل کا مقدمہ والد کی مدعیت میں چچا کیخلاف درج کرلیا۔

والد یاسین نے مقدمے کے متن میں لکھوایا ہے کہ میرا بھائی مجیب اللہ عرف ندیم نشے کا عادی ہے جس نے میری بیٹی کو زیادتی کے بعد قتل کیا۔

والد نے اپنے بیان میں کہا کہ بھائی نے میری بیٹی کو خود پھندا لگا کر اس کی خودکشی کی اطلاع دی تھی بچی کی لاش کو اسپتال لیکر گیا، تو پتا چلا کہ اس کے ساتھ زیادتی ہوئی ہے۔

مقدمہ میں قتل اور زیادتی کی دفعات شامل کی گئیں ہیں۔

پولیس حکام کے مطابق مقتول بچی کا والد سرکاری ملازم ہے اور تین بچوں کا باپ ہے۔

پولیس کا کہنا ہے کہ واقعے کے بعد سے ملزم بھائی مجیب اللہ عرف ندیم فرار ہے جس کی گرفتاری کے لئے کوششیں کی جارہی ہیں۔