دنیاپور تھانہ سٹی کی حدود میں دل خراش واقعہ پیش آیا ہے جہاں سات ماہ کی حاملہ خاتون کو مبینہ طور پر کرنٹ لگا کر مار دیا گیا۔
پولیس نے واقعہ کا مقدمہ مقتولہ کے بھاٸی کی مدعیت میں شوہر اور سوتیلے بیٹے کے خلاف درج کیا ہے۔
تھانہ سٹی دنیاپور کی حدود بستی نور پیر میں سات ماہ کی حاملہ خاتون نسیم اختر عرف فائزہ کی گھر سے نعش برآمد ہوئی۔
مقتولہ کے بھائی حسن رضا نے پولیس کو درج کرائی گئی رپورٹ میں بتایا کہ چار روز قبل یکم دسمبر کو میری ہمشیرہ نسیم اختر عرف فائزہ کو اس کے شوہر شاہد اکرم اور سوتیلے بیٹے دانش نے پانی میں کرنٹ چھوڑ کر مار ڈالا۔
ایف آئی آڑ میں بتایا گیا کہ ملزم شاہد اکرم کی ہمشیرہ بچے کی پیدائش پر اور سوتیلا بیٹا دانش باپ کی دوسری شادی پر خوش نہ تھے۔
پولیس نے مقتولہ کے بھائی کی مدعیت میں شوہر اور اس کے سوتیلے بیٹے کے خلاف قتل کا مقدمہ درج کر لیا، اور مقتولہ کی لاش پوسٹ مارٹم کے بعد ورثا کے حوالے کر دی۔
مقتولہ کی ایک سال قبل ہی شادی ہوئی تھی، ملزم شاہد اکرم کی پہلی بیوی سے دو بیٹیاں اور ایک بیٹا ہے۔
پولئیس کا کہنا ہے کہ مقتولہ کے قتل کے بعد ملزمان روپوش ہو چکے ہیں، جن کی گرفتاری کے لیے چھاپے مارے جارہے ہیں۔
