آزاد کشمیر میں بلدیاتی انتخابات کے دوسرے مرحلے کے سرکاری نتائج جاری کئے جاچکے ہیں جن کے مطابق حکمران جماعت تحریک انصاف 244 نشستیں لے کر سیاسی جماعتوں میں سب سے آگے ہے، جبکہ 246 نشستوں پر آزاد امیدواروں نے میدان مار لیا۔
نتائج کے مطابق مسلم لیگ ن 133 نشستوں کے ساتھ سیاسی جماعتوں میں دوسرے نمبر پر آگئی جبکہ پاکستان پیپلزپارٹی 118 اور جموں و کشمیر پیپلز پارٹی 28 نشستوں پر کامیاب ہوئی۔
جماعت مسلم کانفرنس بھی 28 نشستیں حاصل کرسکی، تحریک لبیک اور جماست اسلامی نے سات سات نشستیں حاصل کیں، جبکہ جمعیت علماء اسلام کے حصے میں تین نشستیں آئیں۔
