فارماسیوٹیکل کمپنیوں کی جانب سے ادویات کی قیمتوں میں اضافے کے لئے دباؤ پر وزیراعظم شہباز شریف نے کمیٹی بنا دی ہے۔
پاکستانی فارماسوٹیکل انڈسٹری تمام ادویات کی قیمتوں میں 40 فیصد اضافے کا مطالبہ کررہی ہے۔
فارماسیوٹیکل کمپنیوں کی درخواست پرکمیٹی بنائی گئی جبکہ کمیٹی کی تشکیل کا نوٹی فکیشن جاری کردیا ہے۔
حکومت کی جانب سے کمیٹی کی سربراہی اسحاق ڈارکریں گے جس میں عبدالقادر پٹیل، ایازصادق و دیگر اعلیٰ حکومتی عہدیدار شامل ہوں گے۔
کمیٹی ادویات کی قیمتوں میں اضافے کے مطالبات کا جائزہ لے کر فیصلہ کرے گی اور کمیٹی ڈرگ پرائسنگ پالیسی 2018 کا بھی ازسرنوجائزہ لے گی۔
