اقتصادی رابطہ کمیٹی (ای سی سی) نے آئندہ عام انتخابات کی وجہ سے الیکشن کمیشن کے لئے تکنیکی گرانٹ دینے کی منظوری دے دی۔

اسلام آباد میں وفاقی وزیر خزانہ اسحاق ڈار کی زیرِ صدارت اقتصادی رابطہ کمیٹی کا اجلاس ہوا جس میں الیکشن کیمشن کے لئے تکنیکی گرانٹ کی منظوری دی گئی جب کہ وزارت اطلاعات کی سمری پر میڈیا کمپین چلانے کے لئے بھی بجٹ منظور کرلیا گیا۔

ای سی سی کے اعلامیے کے مطابق الیکشن کمیشن کے لئے 15 ارب روپے کی منظوری دی گئی ہے، الیکشن کمیشن کو پہلی قسط 5 ارب روپے کی دی جائے گی۔

ذرائع کے مطابق اقتصادی رابطہ کمیٹی کے اجلاس میں کے الیکٹرک کی سمری پر غور کیا گیا جب کہ وزارت ہاؤسنگ کے لئے 16 کروڑ 25 لاکھ روپے اور سیلاب سے متعلق میڈیا مہم کے لئے 2 ارب روپے کی گرانٹ منظور کی گئی ہے۔