شیخوپورہ میں قتل ہونے والے بچے کا قاتل سگا چچا نکلا۔

سپرنٹنڈنٹ آف پولیس (ایس پی) انویسٹی گیشن شیخوپورہ عثمان منیر سیفی نے پریس کانفرنس میں بتایا کہ پانچ سالہ محمد علی کی لاش 6 نومبر کو نہر کنارے ملی تھی۔

تحقیقات سے پتا چلا کہ بچے کو اس کے چچا نے اغوا کے بعد قتل کیا۔

ایس پی منیر سیفی کے مطابق ملزم سلمان کی بیوی جھگڑے کے بعد میکے چلی گئی تھی، ملزم نے بیوی کو منانے کیلئے بھائی کی مدد چاہی لیکن بھائی کے انکار کرنے پر ملزم نے اس کے کمسن بیٹے کو اغوا کیا اور بعد ازاں قتل کردیا۔