پنجاب کے مختلف شہروں میں دھند کا راج ہے۔

موٹرے ایم ٹو لاہور سے ہرن مینار تک بند کردیا گیا ہے جبکہ لاہور سیالکوٹ موٹروے کو بھی دھند کی وجہ سے بند کردیا گیا۔

موٹروے پولیس نے شہریوں کو محتاط ڈرائیونگ اور فوگ لائٹس استعمال کرنے کی ہدایت کی ہے۔

دوسری جانب لاہور میں سموگ کا راج برقرار ہے، خشک سردی اور سموگ نے شہر بھر کی آب و ہوا کو آلودہ کردیا ہے۔

گلہ خراب، زکام اور بخار سمیت دیگر بیماریوں سے شہری مبتلا ہونے لگے ہیں، گھروں سے باہر نکلنا مشکل ہوگیا ہے۔