بالی ووڈ کی معروف اداکار جوڑی وکی کوشل اور کترینہ کیف کی شادی کو اگلے ماہ ایک سال مکمل ہونے والا ہے۔
میڈیا رپورٹس میں یہ بھی بتایا گیا ہے کہ یہ جوڑی اپنی شادی کی پہلی سالگرہ فیملی اور دوستوں کے ساتھ نہیں منائیں گے۔
انڈیا ٹائمز کے مطابق بالی ووڈ کی معروف اداکارہ کترینہ کیف اور وکی کوشل اپنی شادی کی پہلی سالگرہ منانے کے لیے مالدیپ جائیں گے۔
رپورٹ کے مطابق مالدیپ جانے سے پہلے اس جوڑی کے گھر میں پوجا کے لیے ایک چھوٹی سی تقریب ہوگی تاہم اس حوالے سے ابھی تک وکی کوشل اور کترینہ کیف کی جانب سے باقاعدہ تصدیق نہیں ہوئی۔
یاد رہے کہ دونوں اداکاروں نے گزشتہ سال 9 دسمبر کو راجستھان میں اپنی فیملی اور قریبی دوستوں کی موجودگی میں شادی کی تھی۔
