وفاق نے سندھ کو چار سو بسیں دینے سے انکار کردیا۔

ذرائع حکومت سندھ کے مطابق 400 بسوں کی خریداری کے متعدد بار وفاق کو خطوط لکھے گئے، وفاق نے منصوبے کو اہم قرار دیا لیکن فنڈز کی فراہمی سے معذرت کرلی۔

ذرائع کا کہنا تھا کہ وفاق نے خط لکھ کر سندھ حکومت کو اس حوالے سے آگاہ کرتے ہوئے چار سو بسیں دینے سے انکار کردیا ہے۔

یاد رہے کہ وزیراعظم نے دورہ کراچی پر صوبائی حکومت کا مطالبہ منظور کیا تھا، منصوبے کی زیادہ تر بسیں کراچی شہر میں چلنا تھیں۔