منشیات اسمگلنگ کیس میں وزیر داخلہ رانا ثنا اللہ کی ایک روز کی حاضری معافی منظور کرلی گئی۔
انسداد منشیات عدالت کے خصوصی جج نے وزیر داخلہ رانا ثنا اللہ کیخلاف منشیات اسمگلنگ کیس کی سماعت کی۔
رانا ثنا اللہ کے وکلا کی جانب سے حاضری معافی کی درخواست جمع کرائی گئی۔
درخواست میں موقف اختیار کیا گیا کہ مصروفیات کے باعث رانا ثنا اللہ عدالت پیش نہیں ہو پائیں گے، ان کی ایک روز کی حاضری معافی منظور کی جائے۔
عدالت نے حاضری معافی کی درخواست منظور کرتے ہوئے کیس کی مزید سماعت تین دسمبر تک ملتوی کردی۔
