اقوام متحدہ کی جانب سے ایران میں مظاہروں کی تحقیقات کرانے کا فیصلہ کرلیا گیا ہے۔
جینوا میں ایران میں مظاہروں کی صورتحال پر اقوام متحدہ کی انسانی حقوق کونسل کا ہنگامی اجلاس ہوا جس میں ایران میں ہونے والے مظاہروں کی تحقیقات کرانے کی قرار داد پیش کی گئی۔
قرار داد کے حق میں 25 ووٹ ڈالے گئے جبکہ 6 ممالک نے قرارداد کی مخالفت کی اور 16 ممالک غیر حاضر رہے جن میں بھارت، متحدہ عرب امارات اور قطر شامل ہیں۔
امریکا، برطانیہ، جاپان اور دیگر یورپی ممالک نے قرار داد کے حق میں ووٹ ڈالنے والوں میں شامل ہیں جبکہ پاکستان اور چین نے قرارداد کی مخالفت میں ووٹ ڈالے۔
یاد رہے ایران میں مہساامینی کی ہلاکت کے بعد سے اب تک مظاہرے جاری ہیں جن مظاہروں میں 300 افراد ہلاک ہوچکے ہیں۔
