پاکستان کے معروف عالمِ دین مفتی تقی عثمانی کا کہنا ہے کہ پاکستان کی تاریخ میں پہلی بار حافظ قرآن آرمی چیف کا تقرر ہورہا ہے۔
وفاقی حکومت نے جنرل عاصم منیر کو نیا آرمی چیف نامزد کیا ہے جس کی سمری صدرِ مملکت کو بھجوائی جاچکی ہے۔
مفتی تقی عثمانی کا کہنا ہے کہ جنرل عاصم منیر نےمدینہ منورہ میں قرآن کریم حفظ کیا، امید ہے وہ فرائض کی ادائیگی میں قرآنی ہدایات کو مدنظر رکھیں گے۔
مفتی تقی عثمانی کا مزید کہنا تھا کہ جنرل عاصم منیر کا تقرر گرم جوش خیرمقدم کا مستحق ہے۔
خیال رہے کہ پاک فوج کی سربراہی کیلئے نامزد لیفٹیننٹ جنرل عاصم منیر حافظ قرآن بھی ہیں۔
بتایا جاتا ہے کہ انہوں نے بطور لیفٹننٹ کرنل مدینہ منورہ میں تعیناتی کے دوران قرآن پاک حفظ کیا۔
