کراچی: الیکشن کمیشن کے بلدیاتی انتخابات کے فیصلے پر متحدہ قومی موومنٹ پاکستان (ایم کیو ایم) نے رابطہ کمیٹی کا ہنگامی اجلاس طلب کرلیا۔
ذرائع کے مطابق ہنگامی اجلاس شام 6 بجے شروع ہوگا جس میں شرکت کے لئے تمام رابطہ کمیٹی ارکان کو پارٹی کے مرکز بہادر آباد پہنچنے کی ہدایت کی گئی ہے۔
ذرائع کا کہنا ہے کہ اجلاس میں الیکشن کمیشن کے فیصلے پر تفصیلی غور ہوگا اور اس کی روشنی میں آئندہ کے لائحہ عمل کا فیصلہ کیا جائے گا۔
خیال رہے کہ الیکشن کمیشن نے کراچی میں 15 جنوری کو بلدیاتی انتخابات کرانے کا فیصلہ کیا ہے۔
