لاہور کی احتساب عدالت نے غیر قانونی شراب لائسنس کیس میں سابق وزیراعلیٰ پنجاب عثمان بزدار کی عبوری ضمانت میں 5 دسمبر تک توسیع کردی۔

احتساب عدالت لاہور میں سابق وزیراعلیٰ پنجاب عثمان بزدار کیخلاف غیر قانونی شراب لائسنس کیس کی سماعت ہوئی۔

عثمان بزدار عبوری ضمانت کی معیاد ختم ہونے پر عدالت کے روبرو پیش ہوئے۔

فاضل جج نے نیب پراسیکیوٹر سے استفسار کیا کہ کیا نیب کو عثمان بزدار کی گرفتاری مطلوب ہے؟۔

جس پر نیب پراسیکیوٹر نے کہا کہ عثمان بزدار کے وارنٹ گرفتاری ابھی جاری نہیں ہوئے۔

عدالت نے سابق وزیراعلیٰ پنجاب عثمان بزدار کی عبوری ضمانت میں 5 دسمبر تک توسیع کرتے ہوئے آئندہ سماعت پر وکلا کو دلائل کے لئے طلب کرلیا۔