اسلام آباد: وزیراعظم شہباز شریف اعلیٰ سطح مذاکرات کے لئے جمعرات کو ترکیہ پہنچیں گے۔

پاکستان اور ترکیہ کے درمیاں اعلیٰ سطح مذاکرات رواں ہفتے کے اختتام پر ہوں گے جہاں شہباز شریف پاکستانی وفد کی قیادت کریں گے جب کہ 5 اہم وفاقی وزراء بھی وزیر اعظم کے ہمراہ ہوں گے۔

وزیراعظم 25 اور 26 نومبر کو ترکیہ میں اہم ملاقاتوں کے علاوہ ترک صدر رجب طیب اردگان سے بھی ملاقات کریں گے جس دوران شہباز شریف ترک صدر کو کشمیر کی صورتحال سے آگاہ کریں گے۔

شہباز شریف اور ترک صدر کے مابین ملاقات میں روس یوکرین کی موجودہ صورتحال پر بھی مشاورت کی جائے گی۔