وزیراعظم شہباز شریف نے ملک بھر میں چینی کی پیداوار شروع کرنے میں تاخیر کا نوٹس لیتے ہوئے وزارت خزانہ کو شوگر انڈسٹری کے مسائل حل کرنے کی ہدایت کردی ۔

وزیراعظم کے نوٹس کےبعد وزارت خزانہ حکام حرکت میں آگئے،وفاقی وزارت خزانہ نے شوگرملز ایسوسی ایشن کےوفدکوطلب کرلیا ہے ۔

وفاقی وزیرخزانہ اسحاق ڈار آج شوگر ملز ایسوسی ایشن سے ملاقات کریں گے۔

چیئرمین شوگرملزایسوسی ایشن عاصم غنی عثمان کا کہناہے کہ مذاکرات میں 10لاکھ ٹن سرپلس چینی کی ایکسپورٹ پربات ہوگی ،چینی کی برآمد کی اجازت ملنے کے بعد ہی شوگرملزچلانا ممکن ہے ،چینی ایکسپورٹ کیے بغیر کاشتکاروں کو300 روپے فی من گنے کی ادائیگی ممکن نہیں ۔