سندھ پولیس کی جانب سے کچے کے علاقے میں ڈاکوؤں کے خلاف آپریشن کے لئے آئیڈیاز ایکسپو سے جدید ہتھیار شارٹ لسٹ کرلئے گئے۔
آئی جی آفس میں ہونے والے اجلاس کے دوران جدید ہتھیار خریدنے کا فیصلہ کیا گیا ہے۔ پولیس حکام کے مطابق اسنائپر رائفل گنز کی خریداری بھی زیرِغور ہے جبکہ دیگر اسلحہ، گاڑیاں، آئی ٹی آلات بھی خریدے جائیں گے۔
حکام کا کہنا ہے کہ ایکسپو میں شریک کمپنیوں سے ابتدائی بات چیت ہوچکی ہے اور پولیس افسران پر مشتمل کمیٹی خریداری کو حتمی شکل دے گی۔
واضح رہے کہ دفاعی نمائش آئیڈیاز(2022) کا آغاز کراچی ایکسپو سینٹر میں ہوا تھا جس میں پاکستان سمیت 51 ممالک کے 285 وفود بھی شریک ہوئے تھے۔
