سرجانی ٹاؤن میں تجاوزات کیخلاف آپریشن کے دوران مختیارکار اعجاز چانڈیو کے قتل کا مقدمہ درج کرلیا گیا۔
ایف آئی آر کے متن کے مطابق اینٹی انکروچمنٹ فورس نے کارروائی شروع کی تو اچانک ہنگامہ آرائی شروع ہوگئی۔
مدعی نے پولیس کو بیان میں بتایا کہ لینڈ گریبر ندیم، امتیاز، امان، نبی بخش ، بخت شیر، بلاول، شیر علی اپنے دیگر ساتھیوں سمیت آئے تھے، نامزد افراد نے ہنگامہ آرائی میں اسلحہ نکالا اور فائرنگ کردی۔
جس کے نتیجے میں مختیارکار منگھوپیر اعجاز احمد چانڈیو زخمی ہوئے جبکہ تپہ دار قاضی فاروق اور مشین آپریٹر عالم شاہ بھی گولیاں لگنے سے زخمی ہو کر زمین پر گرے۔
یاد رہے کہ مختیارکار منگھوپیر اعجاز چانڈیو دوران علاج جاں بحق ہوگئے تھے۔
