سابق بھارتی کھلاڑی عرفان پٹھان کو پاکستانیوں کے خلاف کی گئی ٹوئٹ مہنگی پڑگئی ۔

ٹی ٹوئنٹی ورلڈکپ کے پہلے سیمی فائنل میں پاکستان کی فتح کے بعد عرفان پٹھان کی جانب سے ایک ٹوئٹ کی گئی جس میں درج تھا کہ جیت تو آتی جاتی رہتی ہے گریس آپ کے بس کی بات نہیں۔

تاہم آج ٹی 20 ورلڈ کپ کے دوسرے سیمی فائنل میں انگلینڈ کے ہاتھوں بھارت کو 10 وکٹوں سے عبرتناک شکست ہونے کے بعد اداکار سید جبران نے انسٹاگرام اسٹوری شیئر کرتے ہوئے عرفان پٹھان کے الفاظ کو تبدیل کرکے انہیں آئینہ دیکھایا ۔

سید جبران نے بھارت کے دو میچوں کی تفصیل شیئر کی جس میں بھارتی کرکٹ ٹیم ایک بھی وکٹ نہ لے پائی تھی ۔

تصویر شیئر کرتے ہوئے انہوں نے لکھا کہ پڑوسیوں ہارنا تو چلتا رہتا ہے لیکن وکٹ لینا تمھارے بس کی بات نہیں ۔

دوسری جانب گلوکار ہارون شاہد نے بھی اپنی ٹوئٹ میں سابق بھارتی کھلاڑی پر طنز کرتے ہوئے کہا کہ عرفان پٹھان آج انگلینڈ کو کہہ رہا ہے کچھ گریس شو کریں ۔